Este luns, a área de Benestar e Igualdade puxo en marcha o programa de conciliación laboral e familiar do “ConciliAres”. Este servizo está dirixido a nenos e nenas de idades comprendidas entre os 3 e os 12 anos, ofrecendo 50 prazas por quincena e enfocándose no coidado dos máis pequenos.
Durante as mañás de xullo e agosto, os nenos e nenas terán a oportunidade de participar nun amplo programa de actividades lúdicas e educativas. Estas actividades impartiranse principalmente na pista cuberta do CPI As Mirandas, pero tamén se aproveitarán distintos espazos exteriores do municipio. Desde manualidades ata xogos simbólicos e animación á lectura, fomentarase a interacción entre os nenos e nenas, a aprendizaxe a través do xogo e o desenvolvemento da súa imaxinación. Estes serán os piares fundamentais do programa “ConciliAres”.
