Mañá, mércores 17 de xullo, ás 20:00 horas, a Asociación de Amigos do Mosteiro de Santa Catalina organiza, en colaboración co Concello, unha xornada adicada á pintora Julia Minguillón, a primeira muller en gañar unha Medalla de Ouro nas Exposicións Nacionais de Belas Artes e unha artista que retratou, a través da súa obra pictórica, a España da posguerra.
Será María Fidalgo Casares, doutora en Historia da Arte e especialista en pintura histórico-militar, a ponente encargada de realizar o percorrido polo estilo e traxectoria de Minguillón, deténdose na composición ‘Escola de Doloriñas’, ao sintetizar moitos dos trazos principais da artista de Lugo.
Divulgarase así a unha figura de mediados do século XX que renovou a arte galega traballando co vangardismo da época, xusto como facían as súas coetáneas Maruja Mallo ou Elena Gago. Minguillón caracterizouse polo seu estilo realista, con gran dominio técnico, e temáticas de escenas cotiáns, obras relixiosas e paisaxísticas ou mesmo retratos da elite da sociedade galega.
