O servizo de conciliación laboral e familiar do Concello, o ConciliAres, iniciou esta mesma semana a súa actividade cos nenos e nenas que participan deste programa chave durante xullo e agosto, axudando ás familias no coidado das crianzas durante as mañás estivais.
Agárdanlles aos máis pequenos dende xogos ao aire libre a manualidades ou obradoiros artísticos, unha programación lúdico-educativa que aglutina diversión, aprendizaxe e exploración da súa contorna de proximidade.
