O Concello de Ares vén de sumarse ao chamamento que realiza a delegación en Ferrolterra de AGA, a Asociación Galega de Apicultura, no que convida á veciñanza a comezar coa realización de trampeos contra a vespa velutina.
Tendo en conta que esta tipoloxía de avespas comezan a saír do seu letargo invernal nestas datas, é o momento de colocar as trampas en hortas ou xardíns para evitar a presenza dos seus niños, un sistema que ten demostrado a súa eficacia cunha redución de ata un 75 % do número de niños na zona, segundo a información que achega AGA.
A captura das raíñas de velutina debe efectuarse dende agora até finais de maio, coincidindo precisamente coa fase de construción e actividade do niño primario, e por iso cobra especial relevancia a execución rápida do trampeo.
Dende AGA poñen a disposición da cidadanía o teléfono 661 378 960 para a resolución de calquera consulta ou dúbida. Con todo, tamén se pode atopar máis información e material para un trampeo eficaz na páxina web do Concello, na seguinte ligazón:
