Na edición de 2023, o homenaxeado é Francisco Fernández del Riego, escritor de Vilanova de Lourenzá, cuxa ampla obra literaria inclúe máis de 150 monografías, prólogos, traducións e achegas xornalísticas.
Neste contexto, Ares acollerá un concerto para conmemorar esta data tan significativa e rendir tributo ao autor. O espectáculo correrá a cargo da Rondalla Trovadores de Ares, e terá lugar o mesmo día 17 de maio no Casino Aresano, a partir das 19.00 horas. A entrada é totalmente gratuíta e aberta ao público en xeral.
Poderás celebrar o 17 de maio asistindo a esta proposta musical e gozando coa calidade da Rondalla Trovadores!
