Unha travesía pola perda, mais tamén un canto á forza inesperada do amor son o fundamento de El olor del bosque (Errata Naturae, 2020) o último libro escollido polo club de lectura municipal coma compañía do mes de marzo e que comentaron este venres pasado na Alianza Aresana.
A través da prosa de Hèlene Gestern, as lectoras descubriron unha novela múltiple, emocionante, onde se relatan feitos dolorosos relacionados coa historia de desaparecidos pola Primeira e Segunda Guerra Mundial. A prosa de Gestern fala de memoria, de silencio, de pasado e do extraordinario poder da fotografía, e articula unha lectura moi recomendable.
