A través do autobús que fletou a Concellaría de Cultura e no marco do Plan de Mobilidade do Centro Dramático Galego (CDG), 36 veciños e veciñas viaxaron até Santiago este sábado e gozaron da obra teatral ‘Os actos e as profecías’, un espectáculo que toma coma fío condutor os talent shows, un dos formatos televisivos de maior éxito nos últimos anos.
Dirixido por Tamara Canosa e coa dramaturxia dela mesma e Xacio Baño, o salón teatro de Santiago converteuse no espazo central dunha obra na que se abordan temáticas coma a competitividade, as presións constantes, as esixencias para o recoñecemento profesional e as expectativas de superación.
