A localidade de Ares acollerá o próximo mércores, día 10, un evento que non te podes perder: o desfile da marca de alta costura Chula Fashion, nacida de raíces españolas e mesturada coa cultura vietnamita, cun alto compromiso co traballo ético e inclusivo, e que está presente en varios países de Asia, mais tamén en España.
Se queres coñecer os seus deseños exclusivos, da man da súa creadora, a través do acto que se desenvolverá coa colaboración da concellaría de Cultura aresán, non deixes pasar a oportunidade de achegarte o mércores, día 10, a partir das 20.00 horas, á Praza do Pedregal de Redes, a descubrir e admirar unha mostra de pezas creativas únicas de arte usable!
