Durante esta fin de semana pasada, a ría converteuse en espazo deportivo coa XXX Regata General Gabeiras-XVI Trofeo Audi-Autogándara, unha iniciativa que xa conta con trinta anos de antigüidade e que supón unha das grandes citas para o Club Náutico Ría de Ares.
O evento aglutinou a 20 embarcacións, reforzando o prestixio da cita para os regatistas da clase a nivel autonómico, e máis tendo en conta que este ano forma parte do circuíto do ‘Trofeo Presidente Xunta de Galicia’, con clubes como o RCN de Sanxenxo, o RCN de Portosín, o MRCY de Baiona e o RCN da Coruña.
Alí estivo tamén Alma Barrón, concelleira de Deportes, para a entrega dos premios na xornada do domingo, 14 de xullo.
