O obxectivo deste concurso é convidar a xuventude a mirar na súa contorna aresá como contexto onde recoñecer a súa herdanza a través das imaxes, despertando a capacidade de observar todo o que lles rodea e recoñecerse en pequenas historias e/ou paisaxes que dean canta do seu vencellamento cunha memoria colectiva deste pobo. En concreto, invitamos a fotografar espazos, lugares, obxectos, festas e eventos representativos e situacións da súa contorna que consideren parte da súa identidade.
QUEN PODE PARTICIPAR?
Pode participar xente nova de 8 a 18 anos, empadroada en Ares ou que sexa alumnado do (PI As Mirandas.
CALES SON AS CATEGORÍAS?
- CATEGORÍA A: De 8 a 12 anos
- CATEGORÍA B: De 13 a 18 anos
PRAZOS E LUGAR DE ENTREGA
A recepción das obras participantes farase a través do correo electrónico: concursofotografia@concellodeares.com
O prazo de presentación será: Do 18 de outubro ás 09:00 h. ata o 4 de novembro ás 20:00 h.
COMO PARTICIPAR?
Poderase mandar un máximo de dúas fotografías por participante e achegar os seguintes datos no correo electrónico que se envíe: ASUNTO: VII CONCURSO DE FOTOGRAFIA XUVENIL CONCELLO DE ARES
AUTOR E OBRAS: Formularios de solicitude de participación e de identificación das fotografías cubertos, asinados e escaneados.Poderá descargar os formularios na páxina web do concello www.concellodeares.gal
No caso de que nas fotografías aparezan terceiras persoas deberá achegar escaneada tamén a autorización de imaxe asinada por elas.
CARACTERÍSTICAS DAS FOTOGRAFÍAS
- Todas as fotografías deben conter os datos mencionados no parágrafo anterior
- So serán admitidas as fotografías en formato dixital e non estará permitido editalas ou melloralas
- As fotografías deben ter entre 6 e 12 Megapíxels, en formato JPEG ou JPG
- As fotografías non poden conter imaxes violentas, degradantes ou ataques directos a individuos ou organizacións. Calquera fotografía considerada ofensiva será descalificada . As fotografías non deben infrinxir os dereitos de terceiros
- As fotografías deben ser orixinais, tomadas ao longo do 2023 e non publicadas con
- anterioridade, así como non ter sido presentadas noutros concursos
FALLO E PREMIOS
O xurado designado pola Concellaría de Cultura, avaliará as fotografías recibidas en base a: o adecuado seguimento das bases, a creatividade, a orixinalidade da obra e a representatividade do pobo
Elixiranse un total de 6 fotos (3 de cada categoría agás excepción motivada do xurado) . Cada participante poderá ser finalista só cunha das fotografías presentadas, polo que, no caso de coincidir, o xurado deberá elixir outra no seu lugar.
PREMIOS:
A- As fotografías gañadoras pasarán a formar parte do calendario do concello 2024 que se reparte por todo o municipio, identificando a autoría daquelas.
B- Categoría A: 1º PREMIO- Cámara de fotos ou Table E 2º 3º PREMIO – Un lote de libros
Categoría B: 1º PREMIO- Cámara de fotos ou Table E 2º 3º PREMIO – Un lote de libros
CONDICIÓNS XERAIS
- As persoas participantes no concurso deberán enviar as súas fotos con toda a documentación requirida, en caso contrario non serán admitidas
- No momento de enviar as fotos, as persoas participantes conceden de xeito gratuito o dereito de usar as fotos de calquera xeito e en calquera medio, incluíndo o dereito sen limitación, de publicar, distribuir, modificar, adaptar e amasar publicamente dito contido
- O Concello de Ares non asume ningunha responsabilidade por calquera retraso ou perda no envío das fotos
- As persoas participantes aceptan as bases polo mero feito de participar no concurso
- Non poderán participar as persoas gañadoras dos primeiros premios da edición anterior
Prazo: Do 18 de outubro ao 4 de novembro
Envío: de xeito electrónico a concursofotografia@concellodeares.com Categorías: de 8 a 12 anos e de 13 a 18 anos
Información e dúbidas: na OMIX (Edificio Alianza Aresana, Rúa María 11, Ares) ou no teléfono: 981448057
FORMULARIO AUTORIZACIÓN DE IMAXES A TERCEIROS en pdf
FORMULARIO DE INSCRICIÓN en pdf
