A próxima semana iníciase a terceira e derradeira quincena da programación do VeranAres deportivo e a concellaría de Deportes informa de que quedan prazas libres na iniciativa dos Xogos nas Parroquias.
Os xogos deportivos nas parroquias no municipio impártense durante as mañás para dinamizar os núcleos sociais de Cervás, Caamouco e Chanteiro. Estas actividades deportivas promóvense en horario de 11:00 a 13:00 horas, e están dirixidas ás crianzas de 4 anos a 9 anos de idade. A iniciativa desenvolverase na Agrupación Instrutiva de Caamouco (martes e xoves), na gandeira de Cervás (martes e xoves) e no C.C. Outeiro de Chanteiro (luns e mércores).
Se estás interesado/a nesta proposta da concellaría de Deportes podes reservar algunha das prazas que aínda quedan libres a través da seguinte ligazón: https://forms.gle/ueMuq4iDw9QL9u6t5
