Os escolares de Ares participan nunhas xornadas centradas nas Actividades Náuticas

Comparte esta nota de prensa

Trátase dun programa promovido polo Concello de Ares, en colaboración co Club Náutico Ría de Ares, dentro da campaña XOGADE da Secretaría Xeral para o Deporte

Esta mañá desenvolveuse unha nova actividade centrada nos nenos e nenas do municipio, nesta ocasión ligada ao mar e aos deportes náuticos, que gozan dunha gran pegada na nosa contorna. Trátase da actividade “Imos ao mar, imos xogar”, organizada polo Concello de Ares en colaboración coa Secretaría Xeral para o Deporte e o Club Náutico Ría de Ares .

Así, na xornada de hoxe, no peirao deportivo de Ares e nas propias instalacións do Club Náutico, os escolares de 6º de Primaria do CPI As Mirandas participaron neste programa, que ten como obxectivo o achegamento aos deportes náuticos con propostas tan interesantes como padelsurf, vela lixeira ou kaiak.

A metodoloxía establecida desde a coordinación técnica deportiva municipal consistiu na realización de tres horas de actividade para cada grupo, a repartir entre as 10 e as 14 horas, establecéndose distintos grupos de xeito que no auga se atopasen sempre un ratio de cinco a seis alumnos por monitor, cun máximo de 20 persoas no auga á vez. Unha vez recibidas as instrucións teóricas necesarias, os rapaces e rapazas poideron gozar no mar con dúas embarcacións de vela lixeira Omega, un tablón maxi de padelsurf, dous tablóns de padelsurf individuais e dous kaiaks.

“Imos ao mar, imos xogar” é parte da campaña XOGADE da Secretaría Xeral para o Deporte, en colaboración cos concellos, co obxectivo de fomentar e estender o deporte educativo e saudable a toda a sociedade dende as idades máis temperás, organizando actividades físico-deportivas baseadas na promoción da saúde, o benestar e o acceso sen ningún tipo de discriminacións dos escolares a elas.

Pódeche interesar

Notas de prensa

Mestra no Concepción Arenal da Habana, primeira muller en ocupar a Vicepresidencia da Sociedade Fillas de Galicia creada para defender ás emigrantes galegas de calquera abuso e participante no I Congreso de Mulleres de Cuba de 1923, Andrea López Chao foi unha desas referentes que loitou por avanzar na sociedade do século XX.

A súa defensa do sufraxio feminino e da igualdade entre homes e mulleres expoñen a importancia de homenaxeala, xusto como se fixo o domingo pasado