Esta fin de semana, o salón de plenos da casa consistorial acolleu o acto de recoñecemento institucional aos últimos logros de Natalia do Espírito Santo Filgueira (Campioa de España de Ximnasia Estética de Grupo), ao equipo de Modestos da SDR Numancia de Ares polo seu ascenso á Primeira de Galicia e aos seus Prebenxamíns polo Campionato do Grupo E2-Consolación.
Unha homenaxe que incluíu a sinatura do Libro de Ouro do Concello e a entrega por parte dos representantes municipais de medallas e placas conmemorativas dos seus éxitos deportivos.
Orgullos aresáns para toda a localidade!
