A Concellaría de Igualdade e Benestar de Ares vén de anunciar a programación que deseñou para arrancar o curso 2024-2025 na vila con múltiples obradoiros dirixidos aos e ás maiores de 55 anos empadroados/as no municipio.
Trátanse, nesta anualidade, de catro grandes tipoloxías de obradoiros, conformando unha oferta que permita brindar espazos de socialización e estimulación durante a tempada do outono ao verán, amais de fomentar lugares de aprendizaxe en cuestións como as novas tecnoloxías. A programación arrancará a partir do 2 de outubro, mais requerirá de inscrición previa do 3 ao 20 de setembro.
OBRADOIROS ‘ENVELLECENDO EN ARES’
- Obradoiro de memoria
GRUPO ARES: Luns de 16.30 a 18.00 e de 18.00 a 19.30 horas. LUGAR: Alianza Aresana.
GRUPO CERVÁS: Venres de 17.00 a 18.30 horas. LUGAR: Ganadera de Cervas.
GRUPO REDES: Anotarse para creación de grupo.
- Obradoiro lectoescritura
GRUPO I: Martes de 10.30 a 12.00 horas. LUGAR: Centro de Servizos Sociais.
- Obradoiro risoterapia
GRUPO I: Xoves de 16.30 a 18.00 horas. LUGAR: Anexo cultura.
GRUPO II: Xoves de 18.00 a 19.30 horas. LUGAR: Anexo cultura.
- Obradoiro de smartphones
GRUPO I: Luns de 10.15 a 11.45 horas. LUGAR: Casa da xuventude.
GRUPO II: Mércores de 10.15 a 11.45 horas. LUGAR: Casa da xuventude.
GRUPO III: Mércores de 12.00 a 13.30 horas. LUGAR: Casa da xuventude.
ANOTACIÓNS
Realízanse presencialmente no departamento de Servizos Sociais de Ares, por rigurosa orde de inscrición ata esgotar prazas.
O prazo de inscrición é do 3 de setembro ao 20 de setembro de 2024, baixo horario de 10.00 a 13.00 horas.
