Co remate da semana, tamén chega o resumo de todas as actividades que puideron desfrutar os nenos e nenas que participan no servizo de conciliación familiar e laboral da área de Igualdade e Benestar. Unha proposta que, desta volta, volveu colocar os espazos verdes da vila no centro da súa actividade: o parque Rosalía de Castro e a praia urbana enchéronse de xogos e diversión ao aire libre!
O resto de xornadas transformaron os rostros dos máis pequenos para convertilos en animais fantásticos, cos obradoiros de pintacaras, e traballaron as habilidades artísticas a través da pintura!
