O salón de actos da Alianza Aresana acollerá este 6 de xuño ás 20:00 horas unha ponencia para que a veciñanza poida aprender como facer un prato equilibrado en termos de nutrintes e reparto de enerxía, recomendacións alimentarias básicas e outras cuestións vencelladas cunha dieta saudable.
A iniciativa, inscrita dentro da Academia AresXSalud, estará impartida por Alén Porto Figueiroa, dietista nutricionista.
As Concellarías de Deportes e Benestar programarán este xoves, 6 de xuño, unha nova charla divulgativa no marco da Academia AresXSalud, un ciclo de ponencias para achegar bos hábitos e formas de coidarse con maior calidade no día día da man de especialistas.
A Alianza Aresana será o espazo que acollerá a charla ‘Alimentación saudable: come con xeito’ ás 20:00 horas, unha cita destinada a toda a veciñanza que desexe aprender a alimentarse correctamente, incorporando unha proporción adecuada de nutrintes e entendendo as súas necesidades enerxéticas para realizar un reparto correcto de alimentos.
Con todo, tamén haberá oco para analizar como é un prato ideal en termos de nutrintes, que impacto ten o alcohol no noso corpo e unha quenda aberta ás dúbidas habituais cando nos sentamos a pensar como comer mellor.
Para impartir a ponencia, achegarase a Ares Alén Porto Figueiroa, dietista nutricionista certificado polo Colexio Oficial de Dietistas-Nutricionistas de Galicia.
