O Concello habilitou un novo aparcadoiro público gratuíto no núcleo urbano de Ares, que proporciona ao redor de setenta novas prazas de estacionamento

Comparte esta nota de prensa

Este novo equipamento está situado na rúa Concepción Arenal, unha zona céntrica que ofrece fácil acceso ás principais atraccións e servizos da vila.

Para levar a cabo esta actuación, o Concello xestionou a adquisión da parcela, que conta cunha superficie de 2.387 m2, formalizando a súa compra o pasado mes de maio. Posteriormente, realizáronse os traballos de acondicionamento, preparando a área para albergar aproximadamente 70 vehículos. As accións emprendidas incluíron a roza da parcela, que se atopaba cuberta de maleza, así como o acondicionamento con pavimentos brandos para garantir unha contorna adecuada para estacionar.

Esta nova zona de aparcamento súmase a outros espazos xa existentes no núcleo urbano, como o de Cortiñas Gil, que foi recentemente ampliado, e os situados na avenida de Mugardos e na avenida Federico García Expósito. Con esta adición, o Concello busca ampliar a dispoñibilidade de estacionamento para a veciñanza e os visitantes, contribuíndo así a facilitar a mobilidade no centro urbano da localidade.

Pódeche interesar

Notas de prensa

Mestra no Concepción Arenal da Habana, primeira muller en ocupar a Vicepresidencia da Sociedade Fillas de Galicia creada para defender ás emigrantes galegas de calquera abuso e participante no I Congreso de Mulleres de Cuba de 1923, Andrea López Chao foi unha desas referentes que loitou por avanzar na sociedade do século XX.

A súa defensa do sufraxio feminino e da igualdade entre homes e mulleres expoñen a importancia de homenaxeala, xusto como se fixo o domingo pasado