A concelleira de Urbanismo, Olimpia Marcos, anunciou a contratación das obras para a recuperación do camiño das Salgueiras.
Esta intervención busca embelecer o litoral da enseada da praia de Chanteiro e permitirá a conexión entre o areal e o centro histórico das baterías da punta do Segaño.
O investimento total do proxecto ascende a 79.989,32 euros, que se sugrafarán con cargo a unha subvención tramitada polo Concello ante de Turismo da Xunta, a través dos Fondos Next Generation, concedida por importe de 71.990,39 euros.
No proxecto técnico contémplanse dous tramos que serán obxecto de actuación. No primeiro, de 240 metros de lonxitude e 4,5 metros de ancho, aplicarase un tratamento de rega reparador. O segundo tramo, unha senda peonil de 480 metros de lonxitude e 1,5 metros de ancho, construirase utilizando un pavimento de terra estabilizada e aproveitando a pedra da zona, creando unha base drenante natural. A maiores, ao longo desta senda instalaranse bancos e papeleiras cada 50 metros para disfrutar da vista ao mar.
Tras o cumprimento deste paso no procedemento de licitación, os traballos darán inicio nas próximas semanas.
