Ares prepárase para recibir a XXXI Milla Urbana Concello de Ares, unha proba oficial da FGA que forma parte do IX Circuíto provincial de Carreiras Populares da Deputación da Coruña.
O evento terá lugar o sábado 5 de agosto, iniciando ás 11 horas na Praza da Igrexa e percorrendo o paseo marítimo da localidade.
Os gañadores absolutos recibirán un trofeo, e tamén se premiará ao corredor/a máis novo e ao/a máis veterá.
Desde a organización lémbrase que o prazo para inscribirse finaliza o martes 1 de agosto ás 23.59 horas.
Os dorsais poderán retirarse na Alianza Aresana os días xoves 3 e venres 4 de agosto, de 9 a 13 horas, ou o mesmo sábado no lugar da proba ata media hora antes do inicio.
Inscríbete a través da seguinte ligazón e forma parte da XXXI Milla Urbana Concello de Ares!
https://www.carreirasgalegas.com/events/xxxi-milla-urbana-concello-de-ares/wKmn2GmY
