O ciclo de cine de verán da Concellaría de Cultura, en colaboración coa Rede Cultural da Deputación da Coruña, arrancará este domingo, 21 de xullo, ás 22:30 horas nas Escolas do Lago, despois de reprogramar a primeira sesión por mor da climatoloxía adversa.
A veciñanza poderá desfrutar dunha comedia familiar dirixida por Olga Osorio e coas actuacións de Tamar Novas, Marta Nieto ou Mario Santos. ‘Salta’ achegará boas doses de risas seguindo a historia de dous irmáns, Óscar e Teo, que deben afrontar a desaparición da súa nai, unha prometedora científica obsesionada cos buratos de gusano, incluíndo viaxes no tempo na súa particular procura.
