O Concello de Ares anima á veciñanza a secundar a manifestación comarcal en contra do xenocidio en Gaza que se promove o vindeiro 21 de decembro de 2025, convocada pola Plataforma Sanidade Galega con Palestina e a Federación de ANPAs de centros públicos de Ferrolterra.
Comezará ás 12:00 h. na Praza Amada García, xusto diante do edificio administrativo da Xunta de Galicia en Ferrol, e fará unha concentración e acto final na Praza do Himno Galego, en Esteiro.
Entre as reivindicacións, reclámase o garantimento do alto o fogo real, inmediato e permanente, así como a apertura dun corredor humanitario sen restriccións e o cumprimento efectivo do dereito internacional, respectando os dereitos fundamentais do pobo palestino.
