A Casa da Xuventude Municipal acolleu na tarde de onte a inauguración oficial da última exposición que instalou a Concellaría de Cultura no seu andar superior: ‘Bailarinas envueltas en poesía’, unha colección de cadros pintados pola aresá Gloria López que se hibridan con composicións poéticas relacionadas con cada obra.
Até o 16 de agosto, veciñanza e interesados na arte local poderán facer un percorrido pola sinuosidade de diferentes bailarinas, adentrándose no xogo cromático que a pintora, xunto coa poesía que as envolve. Corpos contorsionados, unha mirada detallista sobre a práctica da danza e unha sólida expresión de movemento nas liñas son algúns dos elementos que agroman con especial singularidade nesta mostra pictórica. A beleza, a dificultade e o sacrificio que hai detrás das bailarinas tamén están nas escenas que retrata López, indo máis aló da súa obra paisaxística e de bodegóns.
Poderá visitarse de luns a venres, de 10:00 a 14:00 horas, cunha franxa de tarde os xoves e venres de 20:00 a 22:00 h.
