Durante a xornada de onte, un grupo de creadores de contidos dixitais achegouse ata as baterías de Fuenteseca, Faro, Bailadora e Salgueira coma parte da súa participación no I Congreso “Paisajes fortificados de Ferrolterra-Rías Altas: Investigación y puesta en valor” organizado pola Mancomunidade de Concellos da Comarca de Ferrol en colaboración coa Deputación da Coruña.
Lucía Blanco, concelleira de Turismo, recibiu a este grupo de influencers e xornalistas especializados na creación de contidos turísticos e patrimoniais para que coñeceran de primera man a potencialidade das baterías costeiras de Ares.
Na visita participaron Carmen Delia Díaz, do blog Escapalandia; Alberto Ribas, creador de contido en Alvientooo; Leticia Pérez, de Trucos Viajeros; Rafael Pérez e Paula Barreiro, de Viajando el mapa; Alberto Gil e Mónica Rodríguez, de MiniOn Tour; Eva Abel, blogger en Una ida, un viaje; Dani Keral, de Un viaje creativo e Pedro Torrijos, divulgador patrimonial en La Brasa Torrijos, no tocante ós perfís máis activos en redes sociais.
Xunto a eles tamén estiveron Quico Cadaval, dramaturgo e colaborador de RNE con Pepa Fernández, Silvia García coma museóloga e o xornalista e crítico Camilo Franco.
