VIII Concurso de Fotografía Xuvenil Concello de Ares 2024
O certame fotográfico anima á mocidade de entre 8 a 18 anos a presentar as súas instantáneas do 7 ao 31 de outubro, coa posibilidade de sumarse ó calendario municipal de 2025 e gañar unha tablet ou cámara fotográfica, amais dun lote de libros.
Haberá dúas categorías de participación: de 8 a 12 anos e de 13 a 18 anos. En ambas deberán remitirse as fotografías de xeito electrónico a concursofotografia@concellodeares.com.
En termos técnicos, as fotografías deberán ter un formato JPGEG ou JPG, sen ningún tipo de edición ou mellora, e un tamaño de 6 a 12 megapíxeles. Terán que ser orixinais, tomadas ao longo do 2024 e non publicadas con anterioridade.
Para máis información ou dúbidas, pódese preguntar na OMIX (Edificio Alianza Aresana, rúa María 11) ou no teléfono 981 448 057.