Presentación literaria de ‘Cartas a Michi, dende o confinamento… e despois’

O martes, 20 de agosto, Xoán Rubia chegará ó Salón de Actos da Alianza Aresana para falar dunha das súas últimas obras, ‘Cartas a Michi, dende o confinamento… e despois’, un conxunto de epístolas dirixidas á súa gata, pero tamén unha radiografía emocional dunha España atravesada pola pandemia.

Así, Rubia debullará o nacemento desta publicación acompañado de Ánxeles Seoane, filóloga e profesora de literatura, e Anna Agustí Farré, escritora e poeta, a partir das 20:00 horas neste acto literario que promove a Concellaría de Cultura.