Ás 18:30, coas intervencións do alcalde de Ares, Julio Ignacio Iglesias, e representantes da Asociación de Amigos do Mosteiro de Santa Catalina, debullarase a última publicación realizada polo Concello coa colaboración da Deputación da Coruña; unha obra para entender o pasado aresán e proxectarse cara o futuro.
En la falda de la bailadora, do finado veciño Carlos Rodríguez Cartelle, é toda unha descrición detallada de actividades lúdicas e festivas do municipio, e máis especificamente do acervo cultural de Cervás. Un libro chave para a recuperación da Roda de Santa Catalina, a torta elaborada polos frailes do Mosteiro con millo corvo.
Non dubides en asistir ó acto e afonda na historia da localidade!
