Bases específicas para a contratación, en réxime laboral temporal de tres (3) Auxiliares da Policia Local.
17 Marzo 2021 09:00
CONVOCATORIA DO PROCESO SELECTIVO PARA A CONTRATACION LABORAL TEMPORAL DE AUXILIARES DE POLICIA LOCAL.
BASES ESPECÍFICAS PARA A CONTRATACIÓN, EN RÉXIME LABORAL TEMPORAL DE TRES (3) AUXILIARES DA POLICIA LOCAL.
PRIMEIRA.- OBXECTO DA CONVOCATORIA, MODALIDADE DE CONTRATACIÓN, DURACIÓN DO CONTRATO E RETRIBUCIÓNS.
1.1.- O obxecto desta convocatoria é a contratación laboral temporal de tres (3) AUXILIARES DA POLICIA LOCAL, a través do procedemento de selección que se sinala nestas bases, de conformidade co disposto no Real Decreto Lexislativo 5/2015, de 30 de outubro, polo que se aproba o Texto refundido da Lei do Estatuto Básico do Empregado Público, a Lei 7/1985, de 2 de abril, o Real Decreto Lexislativo 781/1986, de 18 de abril, a Lei 2/2015, de 29 de abril, de emprego público de Galicia, Lei 4/2007 de coordinación de Policías locais de Galicia, Decreto 243/2008 de 16 de outubro, Orde de 28 de xaneiro de 2009, e demais disposicións de pertinente aplicación.
Correspóndelles desempeñar as funcións propias desta categoría profesional na Policía Local de Ares, tales como a custodia e vixilancia de bens, servizos e instalacións municipais, así como o auxilio e colaboración cos funcionarios do Corpo da Policía Local e demais Forzas e Corpos de Seguridade.
1.2.- A modalidade contractual será a de un contrato temporal por acumulación de tarefas, prevista no R.D. 2720/1998, de 18 de decembro (art. 3) e a súa duración será de seis meses, respetando o previsto nas disposicións legais antes indicadas.
1.3.- As retribucións mensuais serán as previstas orzamentariamente.
