O vindeiro 1 de decembro principia a campaña de consumo de proximidade do Concello, o MercAres. E nestes últimos días os negocios adheridos xa están recibindo de mans da concelleira de Comercio, Lucía Blanco, os vales-rascas nos que se distribuirán 6.500 euros, amais dos distintivos que identifican ao local como participante na iniciativa municipal.
Para optar aos premios, só é preciso facer unha compra superior a 10 euros nalgún dos máis de 80 establecementos que se sumaron ao MercAres: carnicarías e peixarías, praceiros do Mercado Municipal de Ares, panaderías, hostelería… unha variedade de negocios que son fundamentais na nosa cotiandade.
❄️ A campaña despregarase até o 31 de xaneiro, así que non dubides en participar nas próximas datas!
