Os xogos populares chegarán ó municipio durante as mañás do mércores, 28, e xoves, 29 de decembro, para dinamizar os núcleos sociais de Cervás, Caamouco e Chanteiro.
Estas actividades lúdicas promoveranse en horario de 11:00 a 13:00 horas e invitarán a toda crianza maior de 4 anos que desexe pasar un bo rato coa súa familia e amigos a xogar cos aros, os zancos, a chave, os bolos, os sacos, o brilé e a comba, o labirinto… xogos populares e interxeracionais na Agrupación Instrutiva de Caamouco, na gandeira de Cervás e no C.C. de Chanteiro!
Para participar nesta iniciativa da Concellaría de Deportes precísase de inscrición previa dunha das 12 prazas que se habilitaron por parroquia. As reservas recolleranse na Alianza Aresana e/ou no teléfono 981 448 057 indicando nome, apelidos e teléfono de contacto, ata as 13:00 horas do 23 de decembro.
