Un ano máis Ares e Mugardos celebraron o tradicional Voto de Chanteiro, unha romaría con fondas raíces no noso territorio e que congrega a centos de persoas arredor da Ermida da Mercé.
O inicio da tradición está vencellado coa peste que asolou Europa, incluído Ferrol e comarca, durante os primeiros compases do século XV. Na crenza popular, a enfermidade remitiu grazas á intervención directa da Virxe da Mercé, á que se lle comezou a realizar ofrendas anuais en agradecemento, transformadas nun voto que aínda perdura a día de hoxe, só que acompañado por todo un ambiente lúdico e festivo. A Banda de Gaitas Ría de Ares amenizou a xornada, que estivo acompañada de boa empanada.
Fotografías: autoría de Jorge Meis, fotoxornalista de Diario de Ferrol.
