A casa consistorial de Ares luce durante toda esta semana unha nova iluminación ornamental sobre a súa fachada, facendo protagonista á cor verde e sumándose de xeito simbólico ao Día Internacional contra o Cancro que se celebra xusto hoxe, 4 de febreiro.
Unha xornada conmemorativa que se organiza dende o 2000 para reivindicar unha maior prevención, detección e tratamento da doenza oncolóxica, e tamén para poñer o foco na relevancia de aumentar a calidade de vida das persoas afectadas polo cancro.
