Esta velada converteuse nun clásico na axenda do verán e terá lugar o vindeiro sábado 15 no paseo marítimo da localidade, a partir das 19:00 horas. A actividade está organizada pola asociación Ares Solidario, coa colaboración do Concello de Ares.
A esencia de estilo ibicenco manterase nesta edición, polo que se anima aos asistentes para vestir de branco. O evento contará cunha ampla variedade de actividades, entre elas actuacións musicais en vivo como a de Jorge Latino e a animación a cargo do grupo Os Pimos. Ademais, dedicarase unha parte destacada ao baile, con exhibicións dos grupos “Bailes Latinos Ferrolterra” e “Ártabra Danzas do Mundo e Baile Retro”.
En canto á oferta gastronómica, poderanse gozar de repostería, canapés e mojitos, xunto con outras degustacións. Tamén haberá unha zona de photo call e realizaranse sorteos de agasallos. Como en anos anteriores, os fondos recadados destinaranse a fins benéficos, e nesta ocasión serán doados a Cáritas de Ares.
A organización anima tanto a particulares como a establecementos a colaborar nesta festa solidaria. As formas de axuda van desde asistir con vestimenta estilo “ibicenco”, ata doar sobremesas, aperitivos ou outros alimentos que se poñerán á venda no evento. Tamén se aceptan doazóns de agasallos para o posterior sorteo.
Anímate a participar nesta noite onde a diversión está garantida, e ao mesmo tempo, contribúe a unha boa causa!
