O sábado, 11 de marzo, o Concello organizará 2 itinerarios en colaboración co tecido asociativo da vila coma un acto de celebración do 8M. As dúas rutas arrancarán e terminarán na Praza da Constitución, onde se lerá un manifesto que faga fincapé no longo camiño percorrido, e o que queda aínda por percorrer, en materia de igualdade de xénero.
As inscricións son totalmente de balde e estarán dispoñibles de maneira telemática, cubrindo un formulario en www.concellodeares.gal a partir do xoves, 23 de febreiro, ata o luns, 6 de marzo. Tamén haberá a posibilidade de inscribirse presencialmente na maioría das 23 asociacións colaboradoras do evento.
A vila de Ares volcarase co Día Internacional da Muller do 8 de marzo a través da práctica deportiva. Esa é a proposta que existe detrás de “Camiña pola Igualdade”, a actividade promovida polo Concello co foco posto na conmemoración dunha data de especial relevancia para a sociedade, presentada onte pola concelleira de Igualdade, Victoria Montenegro, e as súas compañeiras no goberno local, Olimpia Marcos e Alma Barrón, edilas de Urbanismo e Cultura, respectivamente.
Así, a área que xestiona Montenegro e a Concellaría de Deporte organizarán conxuntamente dous percorridos a pé destinados a reivindicar o camiñado e o que aínda se precisa avanzar na defensa dos dereitos das mulleres durante a mañá do sábado, 11 de marzo.
A Praza da Constitución de Ares será o escenario no que se centralice toda a actividade; dende alí, darase comezo ás rutas e tamén se pechará todo o evento cunha acción simbólica na que se inclúe a lectura dun manifesto.
O percorrido máis longo, o que se denomina coma “andaina”, sairá ás 10:00 horas da praza e levará ós participantes por parte da costa, logo adentrándose na parroquia de Lubre, e regreso ao núcleo de Ares. En total, uns 8 quilómetros cunha dificultade media-baixa para maiores de 12 anos e nos que estará permitida a presenza de mascotas.
O segundo percorrido, a “marcha urbana”, transcurrirá integramente dentro do núcleo da vila cun itinerario de 2,5 quilómetros, asequible a toda persoa que desexe sumarse ó evento. Desta volta, realizarase entre as rúas interiores e o paseo marítimo da localidade cunha dificultade baixa e terá o seu inicio ás 11:30 horas.
Polo tanto, os dous itinerarios rematarán preto das 12:00 na Praza da Constitución, onde poderán realizar outro avituallamento líquido-sólido e recibir o agasallo conmemorativo da xornada. Ademais, será no peche das rutas cando se lea o manifesto reivindicativo do 8M, no que se expoña a importancia da igualdade na sociedade de hoxe.
Inscricións abertas dende o xoves, 23 de febreiro, coa colaboración de 23 asociacións, entidades e clubes aresáns
A participación neste evento do 11 de marzo é totalmente gratuíta para toda persoa que teña o desexo de sumarse. Só haberá que levar roupa cómoda, calzado axeitado e inscribirse previamente na páxina web institucional (www.concellodeares.gal), ou de forma presencial na maioría dos 23 centros colaboradores que axudan ben na tramitación das inscricións, ben na difusión e dinamización das andainas:
- Agrupación Instrutiva de Caamouco
- Asociación de Amigos do Mosteiro de Santa Catalina
- Asociación de Amas de Casa de Ares
- Asociación de Mulleres Concepción Arenal
- Asociación Española contra o Cancro en Ares
- Asociación Recreativa Bimares
- Centro Cultural Outeiro
- Centro Paula Mayobre
- CIRS Cervás
- Club de Loita Casino de Ares
- Club de Remo de Ares
- Club de Tenis de Redes
- Club Marítimo de Redes
- Club Náutico de Ares
- CPI As Mirandas
- Supermercado Familia
- Grupo de Gaitas Aresán
- Grupo de Gaitas Trouleada
- IES de Mugardos
- Numancia ADR
- Patronato Concepción Arenal
- ServiOcio – Complexo Acuático do Castro
- Sociedade Cultural O Tilo
A inclusión deste conxunto de entidades sociais, deportivas e asociativas da vila responde ao interese de transversalizar Camiña pola Igualdade, facendo que o maior número de axentes poidan sentirse parte das rutas a prol da defensa da muller e os seus dereitos.
O proceso de inscrición estará aberto ata o luns, 6 de marzo, ás 14:00 horas.
