O evento comezará cunha sesión sobre dixitalización na contorna rural e continuará cunhas xornadas participativas no Mosteiro de Santa Catalina de Montefaro.
As persoas interesadas en acudir presencial ou dixitalmente teñen a disposición a seguinte dirección de correo electrónico:
Os próximos 20 e 21 de maio terá lugar no municipio de Ares a presentación de “Rural Lab-Ferroterra”, un proxecto posto en marcha pola Fundación Gabeiras e a Fundación DIDAC, coa colaboración do Concello, para impulsar o desenvolvemento sostible e a innovación en contornas rurais.
As xornadas arrincarán o venres 20 de maio no Salón de Actos da Alianza Aresá cunha sesión de “Aula Gabeiras” sobre as oportunidades da dixitalización para a contorna rural. O encontro celebrarase partir das 10:00 horas e estará presentado por Patricia Gabeiras Vázquez, patroa da Fundación Gabeiras e directora-fundadora do despacho Gabeiras & Asociados. Estas reunións están enmarcadas no ciclo “Aulas Rurais” que a Fundación Gabeiras desenvolve anualmente xunto ao grupo de ruralidad da Rede Española de Desenvolvemento Sostible (REDS).
Ademais, a sesión contará coa participación de Alfons Martinell, director do Grupo de traballo sobre Cultura e Desenvolvemento Sostible de REDS; Susana da Sierra, profesora de Dereito Administrativo na Universidade de Castela-A Mancha; José María Pernas, avogado sénior do Instituto para a Diversificación e o Aforro da Enerxía, e Luís Fernández Martín, avogado de Gabeiras & Asociados.
A programación continuará o sábado 21 de maio no Mosteiro de Santa Catalina de Montefaro, coas “Xornadas abertas para a creación dun monte soberano”. Durante esta sesión realizarase a benvida institucional, a cargo do alcalde de Ares, Julio Iglesias, e presentarase o proxecto piloto de Montefaro, deseñado de forma participativa cos axentes locais para lograr un plan de explotación do monte sostible. Tamén se debullarán experiencias similares de éxito levadas a cabo en Galicia e outros puntos do territorio nacional. A xornada concluirá cun taller participativo.
Estas xornadas conforman a Fase II do proxecto “Rural Lab-Ferroterra”, unha iniciativa da Fundación Gabeiras e a Fundación DIDAC na que colaboraron a Asociación A Monte, Asociación Betula, o Concello de Ares, GDR-Seitura 22, Axencia Galega de Innovación (GAIN) e REDS, así como os veciños e veciñas locais de Ares e Ferrolterra.
Todas as persoas interesadas poden inscribirse para acudir presencialmente ou en formato dixital contactando co seguinte correo electrónico:
