A Alianza Aresana conmemora 121 anos de historia cunha programación especial organizada pola Concellería de Cultura do Concello de Ares. Durante os días 20 e 21 de marzo, a vila acollerá diversas actividades que poñen en valor o legado desta emblemática institución e a súa contribución á vila.
Xoves 20 de marzo
- 12:00 h. Descubrimento da nova Praza Domingo Troche, en homenaxe ao primeiro presidente da Alianza Aresana de Instrución.
- 17:00 h. Obradoiro familiar de manualidades “Manualidades coa Alianza”, dirixido a crianzas de 3 a 5 anos (necesaria a presenza dun adulto).
Venres 21 de marzo
- 18:30 h. Obradoiro infantil de manualidades “Manualidades coa Alianza”, para nenos e nenas de 6 a 12 anos.
- 20:30 h. No Salón de Actos da Alianza, concerto acústico a cargo do grupo SonBoleros, que ofrecerá unha noite de música íntima e emocionante.
Inscricións abertas na Biblioteca Municipal a partir do 17 de marzo. O evento conta coa colaboración da Deputación da Coruña, Ares Indiano e Patrimonio Indiano.
