Lánzanse así a páxina web www.indianosdelnorte.org, para facilitar a busca de información sobre as diferentes celebracións de época, e tamén o dulce ‘Indianitos’, en homenaxe ás viaxes do propio proceso migratorio
O Palacio de Sobrellano de Comillas acolleu a semana pasada o acto de presentación da iniciativa “Embárcate na Experiencia Indianos do Norte!”, unha nova aposta que desexa promover a comercialización de produtos turísticos e culturais relacionados co patrimonio indiano das localidades que integran a Rede, entre as que se atopa Ares.
Ao evento asistiu en representación da nosa localidade o alcalde, Julio Iglesias Redondo; Jorge Gómez, técnico de turismo, e a historiadora Julia Gómez, por parte de Balmaseda; María Teresa Noceda, representante de Comillas; María Higuera Cobo, de Medio Cudeyo; Antonio Miguel Araúzo, de Pradoluengo e, finalmente, a Jesús Bordás, de Ribadedeva. Estiveron acompañados polo Conselleiro de Innovación, Industria e Turismo do Goberno de Cantabria, Francisco Javier López Marcano, e o catedrático de Historia de Arte da Universidade de Cantabria, Miguel Ángel Aramburu-Zabala Higuera.
A presentación serviu para dar conta da posta en marcha da páxina web www.indianosdelnorte.org, que facilitará a difusión das iniciativas culturais ou festivas das diferentes Feiras Indianas dos sete municipios da asociación, seguindo o espírito da propia Rede: traballar coordinadamente para conservar, protexer, manter e difundir o patrimonio indiano.
Entre os principais elementos que achega a web, encóntrase un mapa interactivo cunha selección do patrimonio da Rede; unha oficina de turismo virtual e unha sección de biografías coa que divulgar as figuras dos emigrantes de éxito e as asociacións que tanto fixeron polo benestar das súas terras de orixe.
A maiores, tamén se presentou o dulce representativo da Rede de Indianos do Norte, os “Indianitos”, produtos de ultramar con fariña de trigo e maíz, chocolate e mazá recollidos nun baúl que realiza un guiño ás viaxes dos migrantes. Este novo dulce estará á venda nas diferentes celebracións dos municipios integrantes da Rede, e polo tanto tamén poderán degustarse no noso Ares Indiano!
