A Academia AresXSaúde volveu poñer o foco na importancia dos hábitos saudables cunha sesión centrada nunha cuestión moi presente no día a día da veciñanza: a automedicación.
Durante a xornada do pasado venres, Ángel Vázquez Hernández, médico do centro de saúde de Ares, compartiu reflexións e consellos prácticos arredor do uso responsable dos medicamentos, afondando tanto nos riscos como nas vantaxes dunha automedicación ben informada.
A sesión serviu tamén para revisar boas prácticas relacionadas co botiquín caseiro: que fármacos convén ter no domicilio, que material básico para curas é recomendable e como empregar todo iso con criterio.
Como é habitual no programa, houbo un espazo final para resolver dúbidas e favorecer o diálogo directo coa veciñanza, reforzando así o carácter divulgativo desta iniciativa municipal orientada ao coidado da saúde.
