Facilitar á veciñanza dos concellos máis pequenos a realización de trámites telemáticos coa Administración General del Estado (AGE) sen desprazarse.
As funcionarias e funcionarios achegáronse ata Ares para informar sobre algún dos elementos da administración electrónica, como é o caso da carpeta cidadán ou o propio concepto das credenciais dixitais (Cl@ave, certificado electrónico), o recurso básico para relacionarse coas institucións.
De feito, tras a parte máis divulgativa, expediuse in situ a todas as persoas asistentes que o desexaran un certificado electrónico, o que se obtén a través da Fábrica Nacional de la Moneda y Timbre, que dá a posibilidade de interaccionar dixitalmente cun gran número de administracións públicas.
O noso municipio é así unha das 67 paradas que realizará a Subdelegación do Goberno de España na provincia da Coruña con este plan que loita contra a fenda dixital, enmarcado nas políticas de reto demográfico do Ministerio de Política Territorial, en colaboración coa Federación Española de Municipios y Provincias (FEMP).
