Campus de Fútbol de Verán para porteiros da Fundación Celta do 22-26 de xullo

Nesta nova edición, haberá unha modalidade específica para porteiros no marco do Campus Sergio Álvarez do 22 ao 26 de xullo, unha novidade que expón o espírito de mellora do evento ao longo dos últimos anos na contorna aresá.

As xornadas desenvolveranse en horario matutino, de 9:45 h. ata as 13:45 h., cun equipo de monitores do club de Vigo encargado de guiar aos nenos e nenas na súa mellora técnica, mais tamén empregando metodoloxías de formación lúdico-educativas e fomentando o compañeirismo e a construción dun ambiente estimulante para todos.