O Concello de Ares informa da adxudicación da urbanización do camiño de Maiobre, situado na parroquia de Lubre, como parte do Plan Complementario do POS+2023, contando cun orzamento total de 69.216,17 euros.
De acordo co proxecto detallado, a actual pavimentación do camiño de Maiobre presenta un estado precario, especialmente coa deterioración do tratamento de triple rego. Este problema será atendido a través da aplicación dun novo tratamento de aglomerado asfáltico. Ademais, procederase á limpeza das cunetas existentes e ao refinamento dos seus perfiles, co obxectivo de dirixir eficazmente as augas pluviais e así previr o desgaste prematuro da capa de rodadura. A intervención tamén require a recolocación das tapas dos pozos existentes para asegurar a súa integración co novo pavimento.
José Juan Vilar, concelleiro de Obras, subliñou a importancia desta intervención, afirmando: “Este é o acceso principal ao núcleo de Maiobre, actualmente en estado avanzado de deterioro debido ao impacto das augas pluviais e ao mal estado do firme. Coa realización desta urbanización, aplicaremos unha capa de aglomerado en quente e procederemos á apertura e limpeza das cunetas, facilitando así unha correcta canalización das augas pluviais”.
