O domingo un grupo de vintecinco sendeiristas mergullouse no Val do Dubra, participando no terceiro itinerario organizado pola Concellaría de Deportes en colaboración con Kapitrek.
A ruta circular de 14 quilómetros, que tivo o seu punto de partida en Bembibre, levou aos participantes por paisaxes pintorescas, destacando a presenza de bosques de carballo común e outras especies como cerquiños, sobreiras, acivros ou castiñeiros. No camiño puideron ver tamén vivendas tradicionais que seguen a arquitectura típica das agras coruñesas, ou admirar a Capela de San Xoán Bautista, que se remonta ao século XVII. A zona do Rexedoiro, coa súa espectacular fervenza, foi outro dos puntos destacados da travesía.
En definitiva, foi unha experiencia diversa, viaxando entre bosques, ríos e aldeas de gran beleza!
