A Concellaría de Cultura, en colaboración coa Deputación da Coruña a través da súa Rede Cultural, organiza unha actuación para as familias con nenos e nenas dende os 6 meses aos 6 anos.
Trátase de “Orella Pendella”, un evento fundamentado na narración oral que inclúe música en directo e que se producirá na tarde do xoves, 23 de febreiro (18:00 horas), nas instalacións da biblioteca municipal de Ares.
A compañía Migalla Teatro encargarase de que os pequenos e pequenas aprendan e xoguen con ditos infantís, interpretando cancións tradicionais galegas. Achégate ata a biblio para pasar unha boa tarde!
