Neste terceiro roteiro circular de 10 quilómetros, comeza e remata no Centro Instructivo, Recreativo e Social de Cervás (CIRs), transcorre integramente pola parroquia de Cervás, subindo a Montefaro onde poderemos visitar o Mosteiro de Santa Catalina e percorrer os restos das antigas construción militares que defenderon no pasado o golfo Ártabro. Ó longo do percorrido desfrutaremos das impresionantes vistas da ría de Ferrol e de Ares, da cidade da Coruña e en días despexados, mesmo da costa de Malpica coas Illas Sisargas. A Praia de Chanteiro ou a Ermida da Mercé son outros puntos do patrimonio aresano a destacar neste percorrido.

Datos do roteiro

Os postes sinalizadores deste itinerario contan cun número 3 en azul.

• Distancia: 10.34 km
• Dificultade técnica: Moderada
• Desnivel positivo: 337 metros
• Desnivel negativo: 337 metros